Նորություններ
ԲՏԱ նախարարությունում պրակտիկայի ամփոփում
«Ավելի շատ պետք է ուսանողներին ներգրավենք պետական համակարգում՝ փորձ ձեռք բերելու, նաև փոխանցելու նպատակով։ Այն նոր շունչն ու թարմությունը, որ ուսանողները բերում են ցանկացած համակարգ թե´ պետական, թե´ մասնավոր, շատ կարևոր է և´ մեր, և´ ուսանողների մոտիվացիայի համար»,- նշել է ԲՏԱ նախարարի տեղակալ Ռուբեն Սիմոնյանը։ Ողջույնի խոսքով հանդես է եկել նաև «ԱՊԱԳԱ» հիմնադրամի Տնօրեն Ռոզա Սոլոմոնյանը, նշելով, որ միասնական ջանքերի արդյունքում ստեղծվել են արդյունավետ հարթակներ, որոնք ուսանողներին հնարավորություն են տալիս տեղափոխվել իրական աշխատանքային միջավայր և ձեռք բերել գործնական հմտություններ: Միջոցառման ընթացքում անցկացվել է «Տեխնոլոգիական քուիզ» ինտելեկտուալ խաղը, որի լավագույն արդյունք ցուցաբերած թիմերը պարգևատրվել են խրախուսական նվերներով։ Ամփոփիչ հատվածում ցուցադրվել է ուսանողների մասնակցությամբ «ԱՊԱԳԱ» հիմնադրամից կողմից կազմված «Միֆեր նախարարության մասին» տեսահոլովակը։ Եռամսյա պրակտիկային մասնակցել են 9 ուսանողներ՝ ԵՊՀ-ից, ՀԱՊՀ-ից, Հայաստանի ամերիկյան համալսարանից և «Եվրասիա» միջազգային համալսարանից։ Վերջիններս ներգրավված են եղել նախարարության Տեխնոլոգիական էկոհամակարգի զարգացման, Թվայնացման, Շուկայի զարգացման, Ֆինանսատնտեսագիտական, Միջազգային համագործակցության և Գործերի կազմակերպման վարչությունների աշխատանքներում։ Շնորհակալություն «Ֆիլիպ Մորրիս Արմենիա»-ին արդյունավետ համագործակցության համար։
